Indira Gandhi Death Anniversary | ఇందిరాగాంధీకి నివాళులు..

aakeru telugu news October 31, 2026 1 minute read

Published: 31 Oct 2026 • 01:45 PM

* శక్తి స్థల్ వద్ద సీఎం రేవంత్ రెడ్డి ఘన నివాళి

ఆకేరు న్యూస్, డెస్క్ : భారత మాజీ ప్రధాని, భారతరత్న ఇందిరాగాంధీ వర్ధంతి (Indira Gandhi Death Anniversary) సందర్భంగా తెలంగాణ ముఖ్యమంత్రి ఎ. రేవంత్ రెడ్డి న్యూఢిల్లీలోని శక్తి స్థల్ వద్ద ఆమెకు ఘనంగా నివాళులర్పించారు. ఇందిరాగాంధీ సమాధి వద్ద పుష్పాంజలి ఘటించి ఆమె సేవలను స్మరించుకున్నారు.

ఈ కార్యక్రమంలో ఏఐసీసీ అగ్రనేతలు సోనియా గాంధీ, కాంగ్రెస్ జాతీయ అధ్యక్షుడు మల్లికార్జున ఖర్గే, లోక్‌సభలో ప్రతిపక్ష నేత రాహుల్ గాంధీ, ఏఐసీసీ ప్రధాన కార్యదర్శి కేసీ వేణుగోపాల్ తదితరులతో కలిసి ముఖ్యమంత్రి నివాళులర్పించారు.

దేశానికి ఇందిరాగాంధీ అందించిన సేవలను ఈ సందర్భంగా కాంగ్రెస్ నాయకులు స్మరించుకున్నారు. ఆమె వర్ధంతి సందర్భంగా శక్తి స్థల్ వద్ద పుష్పాంజలి ఘటించి గౌరవం ప్రకటించారు. ముఖ్యమంత్రి రేవంత్ రెడ్డి సహా పలువురు కాంగ్రెస్ అగ్రనేతలు ఒకే వేదికపై నివాళులర్పించడం ఈ కార్యక్రమంలో ప్రత్యేకంగా నిలిచింది.