Retired Colonel Death
* లైసెన్స్డ్ పిస్టల్‌తో కాల్చుకుని బలవన్మరణం
* అనారోగ్యమే కారణమని ప్రాథమిక అంచనా
Jaipur| ఆకేరు న్యూస్, జైపూర్: రాజస్థాన్‌ రాజధాని జైపూర్‌లో విషాద ఘటన చోటుచేసుకుంది. శ్యామ్‌నగర్‌ పోలీస్‌ స్టేషన్‌ పరిధిలోని రైల్‌ నగర్‌ ప్రాంతంలో 78 ఏళ్ల రిటైర్డ్ కర్నల్ లీలా సింగ్‌ తన నివాసంలో మృతి చెందారు. గురువారం ఉదయం తన లైసెన్స్డ్ పిస్టల్‌తో కాల్చుకున్నట్లు ప్రాథమిక సమాచారం.
తుపాకీ శబ్దంతో కలకలం
గురువారం ఉదయం సుమారు 10.30 గంటల సమయంలో గదిలో నుంచి తుపాకీ పేలుడు శబ్దం వినిపించడంతో కుటుంబ సభ్యులు అక్కడికి వెళ్లారు. రక్తపు గాయాలతో ఉన్న ఆయనను వెంటనే సమీప ఆసుపత్రికి తరలించారు. అయితే అప్పటికే ఆయన మృతి చెందినట్లు వైద్యులు నిర్ధారించారు.
అనారోగ్య సమస్యలు
పోలీసుల ప్రాథమిక విచారణ ప్రకారం.. లీలా సింగ్‌ కొంతకాలంగా అనారోగ్య సమస్యలతో బాధపడుతున్నట్లు తెలిసింది. ఆయన మరణానికి దారితీసిన పరిస్థితులపై పోలీసులు దర్యాప్తు చేస్తున్నారు. అనారోగ్యం, మానసిక ఒత్తిడి కారణమై ఉండవచ్చన్నది ప్రాథమిక అంచనా మాత్రమేనని, పూర్తి వివరాలు దర్యాప్తులో వెల్లడికావాల్సి ఉంది.
పోలీసుల దర్యాప్తు
సమాచారం అందుకున్న శ్యామ్‌నగర్‌ పోలీసులు ఘటనా స్థలానికి చేరుకుని పరిశీలించారు. ఎఫ్‌ఎస్‌ఎల్‌ బృందాన్ని రప్పించి ఆధారాలు సేకరించారు. ఘటనలో ఉపయోగించిన లైసెన్స్డ్ పిస్టల్‌ను స్వాధీనం చేసుకున్నారు. మృతుడి మనవడి ఫిర్యాదు మేరకు కేసు నమోదు చేసిన పోలీసులు తదుపరి విచారణ చేపట్టారు.
ఎస్ఎంఎస్‌ ఆసుపత్రి మార్చురీలో పోస్టుమార్టం నిర్వహించిన అనంతరం మృతదేహాన్ని కుటుంబ సభ్యులకు అప్పగించారు. పోస్టుమార్టం, ఫోరెన్సిక్‌ నివేదికల ఆధారంగా మరిన్ని వివరాలు వెల్లడయ్యే అవకాశం ఉంది.
About the Author
Please tell us what is wrong. Your report will be sent to the website team.
