Chandrababu JP Nadda Meeting
* పలు కీలక అంశాలపై చర్చ
ఆకేరు న్యూస్, అమరావతి : ఆంధ్రప్రదేశ్ ముఖ్యమంత్రి చంద్రబాబు నాయుడుతో కేంద్ర ఆరోగ్య, కుటుంబ సంక్షేమ శాఖ మంత్రి, బీజేపీ జాతీయ అధ్యక్షుడు జేపీ నడ్డా భేటీ అయ్యారు. అమరావతిలో జరిగిన ఈ సమావేశంలో రాష్ట్రానికి సంబంధించిన పలు కీలక అంశాలపై చర్చించినట్లు తెలుస్తోంది. ఈ భేటీలో ఏపీకి చెందిన మంత్రి సత్యకుమార్ యాదవ్ కూడా పాల్గొన్నారు. రాష్ట్రంలో కేంద్ర ప్రభుత్వ సహకారంతో చేపడుతున్న అభివృద్ధి కార్యక్రమాలు, ఆరోగ్య రంగానికి సంబంధించిన అంశాలు, భవిష్యత్ ప్రణాళికలపై చర్చ జరిగినట్లు సమాచారం.
కేంద్ర–రాష్ట్ర ప్రభుత్వాల మధ్య సమన్వయంతో అభివృద్ధి కార్యక్రమాలను ముందుకు తీసుకెళ్లడం, రాష్ట్రానికి కేంద్రం నుంచి అందాల్సిన సహకారం తదితర అంశాలు కూడా సమావేశంలో ప్రస్తావనకు వచ్చినట్లు తెలుస్తోంది. చంద్రబాబు–జేపీ నడ్డా భేటీ నేపథ్యంలో రాష్ట్ర రాజకీయ, అభివృద్ధి అంశాలపై ఈ సమావేశానికి ప్రాధాన్యత ఏర్పడింది.
About the Author
Please tell us what is wrong. Your report will be sent to the website team.
