Medaram Mini Jatara| మేడారం మినీ జాతర తేదీలు ఖరారు

Published: 27 Sep 2026 • 05:31 PM

Medaram Mini Jatara| ఆకేరు న్యూస్, ములుగు: ములుగు జిల్లా తాడ్వాయి మండలంలోని ప్రసిద్ధ పుణ్యక్షేత్రం మేడారంలో నిర్వహించే శ్రీ సమ్మక్క-సారలమ్మ మినీ జాతర తేదీలు ఖరారయ్యాయి. మేడారం పూజారుల (వడ్డెలు) సంఘం సభ్యులు 2027 మినీ జాతర తేదీలను అధికారికంగా ప్రకటించారు.

నాలుగు రోజుల పాటు ఉత్సవాలు

2027 ఫిబ్రవరి 17 నుంచి 20వ తేదీ వరకు మినీ జాతర నిర్వహించనున్నట్లు పూజారుల సంఘం వెల్లడించింది.

ఫిబ్రవరి 17, బుధవారం
ఫిబ్రవరి 18, గురువారం
ఫిబ్రవరి 19, శుక్రవారం
ఫిబ్రవరి 20, శనివారం

ఈ నాలుగు రోజుల పాటు సమ్మక్క-సారలమ్మ అమ్మవార్ల ఉత్సవాలు, ప్రత్యేక పూజా కార్యక్రమాలను వైభవంగా నిర్వహించనున్నట్లు పూజారుల సంఘం తెలిపింది. తేదీల వివరాలను పంచాయతీరాజ్, స్త్రీ శిశు సంక్షేమ శాఖ మంత్రికి లేఖ ద్వారా తెలియజేశారు.

పూజారుల సంఘం అధ్యక్షుడు సిద్ధమైన జగ్గారావు, ఉపాధ్యక్షుడు కాక సారయ్య, ప్రధాన కార్యదర్శి చందా గోపాలరావుతో పాటు కన్నేపల్లి, మేడారం, కొండాయి, పూనుగొండ్ల, కామారం గ్రామాలకు చెందిన గోవిందరాజులు, సమ్మక్క-సారలమ్మ, పగిడిద్దరాజు పూజారులు తదితరులు లేఖపై సంతకాలు చేశారు