SAMSUNG Z8 SERIES LAUNCH | AI ఫీచర్లు, ధరలు ఇవే..

* శాంసంగ్ నుంచి కొత్త ఫోల్డబుల్స్..

* సరికొత్త జెడ్8 సిరీస్ భారత్‌లో లాంచ్!

* AI ఫీచర్లు, స్లిమ్ డిజైన్‌తో కొత్త Z8 సిరీస్..

* ఆగస్టు 7 నుంచి అమ్మకాలు

ఆకేరు న్యూస్, డెస్క్:

స్మార్ట్‌ఫోన్ దిగ్గజం శాంసంగ్ (Samsung) తన కొత్త Galaxy Z8 Foldable Series ను అధికారికంగా విడుదల చేసింది. ఇందులో Galaxy Z Fold8 Ultra, Galaxy Z Fold8, Galaxy Z Flip8 మోడళ్లను పరిచయం చేసింది. శాంసంగ్ గెలాక్సీ AI (Galaxy AI), సన్నని డిజైన్, పెద్ద డిస్‌ప్లేలు, మెరుగైన పనితీరుతో ఈ సిరీస్‌ను రూపొందించినట్లు కంపెనీ తెలిపింది.

భారత్‌లో ఇప్పటికే ప్రీ-బుకింగ్‌లు ప్రారంభమయ్యాయి. ఈ ఫోన్లు ఆగస్టు 7 నుంచి విక్రయాలకు అందుబాటులోకి రానున్నాయి.

* గెలాక్సీ AI తో మరింత స్మార్ట్ అనుభవం

కొత్త Z8 సిరీస్‌లో గెలాక్సీ AI (Galaxy AI) ఫీచర్లను మరింత మెరుగుపరిచింది. Fold8, Fold8 Ultraలో పెద్ద స్క్రీన్‌పై ఒకేసారి పలు పనులు చేయడం సులభంగా ఉండగా, Flip8లో FlexWindow ద్వారా AI ఆధారిత షార్ట్‌కట్స్, నోటిఫికేషన్లు, ఇతర ఫీచర్లు త్వరగా ఉపయోగించుకునే అవకాశం ఉంది.

* Galaxy Z Fold8 Ultra ప్రత్యేకతలు..

* 8 అంగుళాల Dynamic AMOLED 2X ప్రధాన డిస్‌ప్లే
* Snapdragon 8 Elite Gen 5 ప్రాసెసర్
* 200MP ట్రిపుల్ రియర్ కెమెరా
* 5,000mAh బ్యాటరీ
* 45W ఫాస్ట్ ఛార్జింగ్
* Android 17 ఆధారిత One UI 9
* 256GB నుంచి 1TB వరకు స్టోరేజ్

* ధరలు..

శాంసంగ్ తన సరికొత్త జెడ్8 సిరీస్ స్మార్ట్‌ఫోన్ల ధరలను మరియు వాటిపై లభించే ఆకర్షణీయమైన ఆఫర్లను అధికారికంగా ప్రకటించింది.

ఈ సిరీస్‌లో భాగంగా Galaxy Z Flip8 ప్రారంభ ధర రూ.1,24,999 గా ఉండగా, Galaxy Z Fold8 ధర రూ.1,79,999 నుంచి ప్రారంభమవుతుంది.

అలాగే ప్రీమియం మోడల్ అయిన Galaxy Z Fold8 Ultra బేస్ వేరియంట్ రూ.1,99,999 కి లభిస్తుండగా, దీని టాప్-ఎండ్ వేరియంట్ అయిన 16GB + 1TB Fold8 Ultra ధరను రూ.2,59,999 గా సంస్థ నిర్ణయించింది.

కొనుగోలుదారులను ఆకట్టుకునేందుకు శాంసంగ్ భారీ ఆఫర్లను కూడా తీసుకువచ్చింది.

ఈ ఫోన్లపై ఏకంగా 30 నెలల నో-కాస్ట్ EMI సౌకర్యంతో పాటు, పాత ఫోన్ మార్పిడిపై రూ.10,000 వరకు అప్‌గ్రేడ్ బోనస్ లేదా రూ.9,000 వరకు బ్యాంక్/UPI క్యాష్‌బ్యాక్ ప్రయోజనాలను వినియోగదారులు పొందవచ్చు.