RAIPARTHY | ఎస్ఆర్ఆర్ ఫౌండేషన్ సేవ

Published: 19 Jul 2026 • 06:27 PM

ఆకేరు న్యూస్, రాయపర్తి:

ఆపదలో ఉన్న వారికి అండగా నిలవడమే నిజమైన మానవత్వమని ఎస్ఆర్ఆర్ (SRR) ఫౌండేషన్ చైర్మన్, బిఆర్ఎస్ (BRS) జిల్లా నాయకులు పరుపాటి శ్రీనివాస్ రెడ్డి మరోసారి నిరూపించారు. సామాజిక సేవలో ఎల్లప్పుడూ ముందుండే ఆయన, తాజాగా ఒక (వికలాంగుడికి) బ్యాటరీ ట్రై సైకిల్‌ను అందజేసి తన ఉదారతను చాటుకున్నారు.

మండలంలోని కొండాపురం గ్రామానికి చెందిన కన్నేబోయిన వెంకటయ్య దివ్యాంగుడు నడవలేని స్థితిలో ఉంటూ, నిత్యం ఇబ్బందులు పడుతున్న విషయాన్ని గమనించిన శ్రీనివాసరెడ్డి తక్షణమే స్పందించారు. ఆయన సొంత ఖర్చులతో బ్యాటరీ ఆధారిత మూడు చక్రాల సైకిల్‌ను కొనుగోలు చేసి, సదరు వికలాంగుడికి అందజేశారు.అనంతరం అదెగ్రామానికి చెందిన గాదె బిక్షపతి ఇటీవల అనారోగ్యముతో మృతి చెందగా మృతుని కుటుంబ సభ్యులను పరామర్శించి 3000 రూపాయలు ఆర్థిక సహాయం అందజేశారు

* ఈ సందర్భంగా పరుపాటి శ్రీనివాసరెడ్డి మాట్లాడుతూ…

సమాజంలో వెనుకబడిన, శారీరక వైకల్యంతో బాధపడుతున్న వారికి సహాయం చేయడం ప్రతి ఒక్కరి బాధ్యతని అన్నారు. ఈ బ్యాటరీ సైకిల్ ద్వారా ఆ దివ్యాంగుడు ఇతరులపై ఆధారపడకుండా స్వతంత్రంగా జీవించడానికి, తన పనులు తాను చేసుకోవడానికి ఉపయోగపడుతుందని ఆశాభావం వ్యక్తం చేశారు. ఎస్ఆర్ఆర్ ఫౌండేషన్ ద్వారా భవిష్యత్తులోనూ ఇలాంటి మరెన్నో సేవా కార్యక్రమాలు నిరంతరాయంగా కొనసాగిస్తామని ఆయన స్పష్టం చేశారు.

* కృతజ్ఞతలు తెలిపిన లబ్ధిదారుడు:

సైకిల్ అందుకున్న దివ్యాంగుడు భావోద్వేగానికి లోనవుతూ.. తన కష్టాన్ని గుర్తించి, కాలినడకన తిరిగే ఇబ్బందిని తప్పించినందుకు పరుపాటి శ్రీనివాసరెడ్డి గారికి, ఎస్ఆర్ఆర్ ఫౌండేషన్‌కు ప్రత్యేక కృతజ్ఞతలు తెలియజేశారు.

ఈ కార్యక్రమంలో ఫౌండేషన్ సభ్యులు, స్థానిక బిఆర్ఎస్ నాయకులు, కార్యకర్తలు మరియు ప్రజలు పెద్ద సంఖ్యలో పాల్గొని, శ్రీనివాసరెడ్డి సేవా గుణాన్ని అభినందించారు.