Telangana Extends Validity of Old Journalist Accreditation Cards
* పాత అక్రిడిటేషన్ కార్డుల గడువు పొడిగింపు
ఆకేరు న్యూస్, హైదరాబాద్: తెలంగాణలోని వర్కింగ్ జర్నలిస్టులకు సమాచార, పౌర సంబంధాల శాఖ (I&PR) బిగ్ రిలీఫ్ ఇచ్చింది. ప్రస్తుతం రాష్ట్రంలో 2026–2028 సంవత్సరాలకు సంబంధించిన కొత్త డిజిటల్ అక్రిడిటేషన్ కార్డుల జారీ ప్రక్రియ వేగవంతంగా కొనసాగుతోంది. ఈ నేపథ్యంలో జర్నలిస్టులకు ఎలాంటి రవాణా ఇబ్బందులు కలగకుండా చూసేందుకు, ప్రస్తుతం అందుబాటులో ఉన్న 2024–2026 అక్రిడిటేషన్ కార్డుల గడువును ఈ నెల ఆగస్టు 24, 2026 వరకు పొడిగిస్తూ అధికారులు నిర్ణయం తీసుకున్నారు.
ఈ మేరకు సమాచార, పౌర సంబంధాల శాఖ ప్రత్యేక కమిషనర్ డా. జి. ముకుంద రెడ్డి సంచలన ఆదేశాలు జారీ చేశారు. తెలంగాణ రాష్ట్ర రోడ్డు రవాణా సంస్థ (TGSRTC) మేనేజింగ్ డైరెక్టర్కు లేఖ రాస్తూ.. ఆగస్టు 4 నుంచి ఆగస్టు 24 వరకు (మొత్తం 21 రోజుల పాటు) రాష్ట్ర, జిల్లా స్థాయి జర్నలిస్టులు తమ పాత అక్రిడిటేషన్ కార్డుల ఆధారంగా పొందిన బస్ పాస్లను ఎలాంటి అదనపు గడువు ముద్రలు లేకపోయినా అనుమతించాలని విజ్ఞప్తి చేశారు.
* ముందుజాగ్రత్త చర్యలు..
రాష్ట్రవ్యాప్తంగా పనిచేస్తున్న ప్రింట్, ఎలక్ట్రానిక్, డిజిటల్ మీడియా జర్నలిస్టులకు కొత్త అక్రిడిటేషన్లు మంజూరు చేసే ప్రక్రియ వివిధ దశల్లో ఉంది. దరఖాస్తుల పరిశీలన, కార్డుల ప్రింటింగ్ మరియు పంపిణీ పూర్తికావడానికి కొంత సమయం పట్టే అవకాశం ఉండటంతో, జర్నలిస్టుల దైనందిన విధి నిర్వహణకు ఆటంకం కలగకుండా ఐఅండ్పీఆర్ శాఖ ఈ తాత్కాలిక సడలింపు ఇచ్చింది.
రాష్ట్రంలోని అన్ని డిపోల పరిధిలో పనిచేసే ఆర్టీసీ బస్సుల్లో ఈ పాత అక్రిడిటేషన్ కార్డులు, బస్ పాస్లు యథావిధిగా చెల్లుబాటు అయ్యేలా తక్షణ చర్యలు తీసుకోవాలని TGSRTC అధికారులకు కమిషనర్ ఆదేశాలు పంపారు. ఐఅండ్పీఆర్ శాఖ తీసుకున్న ఈ నిర్ణయం పట్ల రాష్ట్రవ్యాప్తంగా ఉన్న జర్నలిస్ట్ సంఘాలు, వర్కింగ్ జర్నలిస్టులు హర్షం వ్యక్తం చేస్తున్నారు.
About the Author
Please tell us what is wrong. Your report will be sent to the website team.
