Modi Nine Public Appeals
ఆకేరు న్యూస్ , కమలాపూర్:
ప్రధాని నరేంద్ర మోదీ సికింద్రాబాద్లో జరిగిన బహిరంగ సభలో ప్రపంచవ్యాప్తంగా నెలకొన్న అస్థిర పరిస్థితులు, పెరుగుతున్న చమురు ధరలు, ఆర్థిక సవాళ్లను దృష్టిలో ఉంచుకుని, దేశాభివృద్ధికి ప్రజలు సహకరించాలనీ,భారతీయులకు తొమ్మిది అంశాలపై ప్రత్యేక విజ్ఞప్తి చేశారు.
* ప్రధాని చేసిన 9 విజ్ఞప్తులు
బంగారం కొనుగోళ్లు వాయిదా: కనీసం ఏడాది పాటు పెళ్లిళ్లు, ఇతర శుభకార్యాలకు కొత్త బంగారం కొనడం ఆపివేయాలని, తద్వారా విదేశీ మారక ద్రవ్యాన్ని ఆదా చేయవచ్చని సూచించారు.
పెట్రోల్, డీజిల్ వాడకం తగ్గింపు: అనవసర ప్రయాణాలను తగ్గించి, ఇంధన పొదుపు చేయాలని కోరారు.
ఎలక్ట్రిక్ వాహనాల ప్రోత్సాహం: పర్యావరణహిత ఎలక్ట్రిక్ వాహనాల వినియోగాన్ని పెంచాలని పిలుపునిచ్చారు.
విదేశీ యాత్రలకు స్వస్తి: విదేశాలకు వెళ్లే బదులు దేశంలోని పర్యాటక ప్రాంతాలను సందర్శించి స్థానిక ఆర్థిక వ్యవస్థను ప్రోత్సహించాలన్నారు.
మెట్రో సేవలు వినియోగించండి: నగరాల్లో సొంత వాహనాల కంటే మెట్రో ప్రజా రవాణా వ్యవస్థలను వాడటం వల్ల ట్రాఫిక్, ఇంధన వినియోగం తగ్గుతుందని తెలిపారు.
వంట నూనె వినియోగం తగ్గింపు: ఆరోగ్యం, ఆర్థిక పొదుపు దృష్ట్యా వంట నూనె వాడకాన్ని కనీసం 10% తగ్గించాలన్నారు.
డిజిటల్ మీటింగులు: ప్రయాణ ఖర్చులను, సమయాన్ని ఆదా చేసేందుకు ఆన్లైన్ మీటింగ్లు, వీడియో కాన్ఫరెన్స్లను ప్రాధాన్యత ఇవ్వాలని సూచించారు.
నీటి సంరక్షణ: నీటిని వృథా చేయకుండా భవిష్యత్తు తరాల కోసం పొదుపు చేయాలని కోరారు.
వోకల్ ఫర్ లోకల్: భారత్లో తయారైన వస్తువులనే కొనుగోలు చేస్తూ స్వదేశీ పరిశ్రమలకు అండగా నిలవాలని ప్రధాని మోదీ ఆకాంక్షించారు.
About the Author
