OnePlus N6x India Launch | పూర్తి వివరాలు ఇవే..

* 7,000mAh బ్యాటరీతో OnePlus N6x లాంచ్..

* రూ.18,999కే కొత్త స్మార్ట్‌ఫోన్..

* ఆగస్టు 4 నుంచి తొలి సేల్

ఆకేరు న్యూస్, డెస్క్: ప్రముఖ స్మార్ట్‌ఫోన్ తయారీ సంస్థ వన్‌ప్లస్ (OnePlus) భారత మార్కెట్లో మరో బడ్జెట్ స్మార్ట్‌ఫోన్ వన్‌ప్లస్ N6x (OnePlus N6x)ను అధికారికంగా విడుదల చేసింది. భారీ 7,000mAh బ్యాటరీ, 120Hz డిస్‌ప్లే, MediaTek Dimensity 6360 Apex ప్రాసెసర్‌తో వచ్చిన ఈ ఫోన్ రోజువారీ వినియోగంతో పాటు గేమింగ్‌ను దృష్టిలో ఉంచుకుని రూపొందించినట్లు కంపెనీ తెలిపింది. ఎంట్రీ లెవల్ సెగ్మెంట్‌లో ఎక్కువ బ్యాటరీ బ్యాకప్ కోరుకునే వినియోగదారులను ఈ ఫోన్ ఆకట్టుకునే అవకాశముంది.

OnePlus N6x రెండు స్టోరేజ్ వేరియంట్లలో అందుబాటులోకి వచ్చింది. 4GB + 64GB వేరియంట్ ధర రూ.18,999, 4GB + 128GB వేరియంట్ ధర రూ.20,999గా నిర్ణయించారు. తొలి విక్రయం ఆగస్టు 4 మధ్యాహ్నం 12 గంటల నుంచి ప్రారంభం కానుంది. వన్‌ప్లస్ అధికారిక వెబ్‌సైట్‌తో పాటు అమెజాన్‌లో ఈ ఫోన్ కొనుగోలు చేయొచ్చు.

డిస్‌ప్లే విషయానికి వస్తే ఇందులో 6.8 అంగుళాల HD+ LCD డిస్‌ప్లేను అందించారు. 120Hz రిఫ్రెష్ రేట్, 900 నిట్స్ పీక్ బ్రైట్‌నెస్‌తో స్క్రోలింగ్, వీడియో వీక్షణ మరింత స్మూత్‌గా ఉండనుంది. ఫోన్ Android 16 ఆధారిత OxygenOS 16 పై పనిచేస్తుంది. MediaTek Dimensity 6360 Apex చిప్‌సెట్‌తో పాటు పెద్ద వేపర్ ఛాంబర్ కూలింగ్ సిస్టమ్ ఉండటంతో ఎక్కువసేపు వినియోగించినా వేడి సమస్య తక్కువగా ఉంటుందని కంపెనీ చెబుతోంది.

కెమెరా విభాగంలో వెనుక భాగంలో 13 మెగాపిక్సెల్ ప్రధాన కెమెరా, ముందు భాగంలో 5 మెగాపిక్సెల్ సెల్ఫీ కెమెరా ఉన్నాయి. ప్రధాన ఆకర్షణగా 7,000mAh బ్యాటరీను అందించగా, 15W ఫాస్ట్ ఛార్జింగ్, 5W రివర్స్ ఛార్జింగ్ కు సపోర్ట్ ఉంది. అలాగే MIL-STD-810H మిలిటరీ గ్రేడ్ సర్టిఫికేషన్ తో ఈ ఫోన్ మరింత మన్నికగా రూపొందించారు.

బడ్జెట్ ధరలో భారీ బ్యాటరీ, 120Hz డిస్‌ప్లే, తాజా Android 16 అనుభవం కోరుకునే వినియోగదారులకు OnePlus N6x మంచి ఎంపికగా నిలిచే అవకాశం ఉందని మార్కెట్ వర్గాలు భావిస్తున్నాయి.

About the Author

aakerutelugunews

Administrator

Visit Website View All Posts