మైసా
* మహిళా శక్తిని చాటే పవర్‌ఫుల్‌ ఆంథమ్‌ విడుదల
*ఫియర్స్‌ అవతార్‌లో ఆకట్టుకుంటున్న నేషనల్‌ క్రష్‌
Mysaa Movie| ఆకేరు న్యూస్, సినిమా: నేషనల్‌ క్రష్‌ రష్మిక మందన్న ప్రధాన పాత్రలో నటిస్తున్న పాన్‌ ఇండియా యాక్షన్‌ చిత్రం ‘మైసా’ నుంచి తొలి పాట విడుదలైంది. ‘ఓ మైసా రే’ పేరుతో విడుదలైన ఈ పాట మహిళా శక్తి, ధైర్యసాహసాలను ప్రతిబింబించేలా రూపొందింది. ఇందులో రష్మిక మునుపెన్నడూ కనిపించని ఫియర్స్‌ అవతార్‌లో దర్శనమిస్తూ అభిమానులను ఆకట్టుకుంటున్నారు. పవర్‌ఫుల్‌ మ్యూజిక్‌, ఉత్సాహభరితమైన విజువల్స్‌తో ఈ పాట సినిమాపై అంచనాలను మరింత పెంచుతోంది.
దైవిక స్త్రీ శక్తికి ప్రతిరూపంగా..
‘ఓ మైసా రే’ పాటకు జేక్స్‌ బిజోయ్‌ పవర్‌ఫుల్‌ సంగీతాన్ని అందించారు. ఉరుముల్లాంటి బీట్స్‌, వేగవంతమైన రిథమ్‌ పాటకు ప్రత్యేక ఆకర్షణగా నిలుస్తున్నాయి. సుద్దాల అశోక్‌ తేజ అందించిన సాహిత్యం మైసా పాత్రలోని ఈషి, ఐషి రూపాలను ఆవిష్కరిస్తూ దైవిక స్త్రీ శక్తి, అర్ధనారీశ్వర తత్వాన్ని ప్రతిబింబిస్తోంది. సింధూజ శ్రీనివాసన్‌ ఎనర్జిటిక్‌ గాత్రం పాటకు మరింత బలాన్ని అందించింది. మహిళలు తమ శక్తిని గుర్తించి ధైర్యంగా పోరాడాలనే సందేశాన్ని ఈ ఆంథమ్‌ అందిస్తోంది.
రష్మిక ఫియర్స్‌ పెర్ఫార్మెన్స్‌..
ఈ పాటలో రష్మిక మందన్న ఎనర్జిటిక్‌ పెర్ఫార్మెన్స్‌ ప్రత్యేక ఆకర్షణగా నిలిచింది. ఆవేశభరితమైన హావభావాలు, ఆకట్టుకునే డ్యాన్స్ మూమెంట్స్‌తో ఆమె పాత్రలో పూర్తిగా ఒదిగిపోయారు. బృందా మాస్టర్‌ కొరియోగ్రఫీ పాటకు మరింత జోష్‌ను తీసుకొచ్చింది. అటవీ నేపథ్యంలో భారీ సంఖ్యలో డ్యాన్సర్లతో తెరకెక్కించిన సన్నివేశాలు విజువల్‌గా ఆకట్టుకుంటున్నాయి.
భారీ యాక్షన్‌తో ‘మైసా’..
రవీంద్ర పుల్లె దర్శకత్వంలో అన్‌ఫార్ములా ఫిల్మ్స్‌ ఈ చిత్రాన్ని నిర్మిస్తోంది. శ్రేయాస్‌ పి. కృష్ణ సినిమాటోగ్రఫీ అందిస్తుండగా, జేక్స్‌ బిజోయ్‌ సంగీత బాధ్యతలు నిర్వహిస్తున్నారు. అంతర్జాతీయ యాక్షన్‌ కొరియోగ్రాఫర్‌ కేచా స్టంట్‌ సన్నివేశాలను పర్యవేక్షిస్తున్నారు. ఇప్పటికే విడుదలైన గ్లింప్స్‌, టీజర్‌, పోస్టర్లకు మంచి స్పందన వచ్చింది. తాజాగా తొలి పాట విడుదల కావడంతో సినిమాపై ఆసక్తి మరింత పెరిగింది.
రష్మికతో పాటు ఈశ్వరీ రావు, గురు సోమసుందరం, రావు రమేష్‌ తదితరులు కీలక పాత్రల్లో నటిస్తున్నారు. ‘మైసా’ నవంబర్‌ 27న తెలుగు, హిందీ, తమిళం, కన్నడ, మలయాళ భాషల్లో ప్రపంచవ్యాప్తంగా థియేటర్లలో విడుదల కానుంది. మహిళా శక్తిని ప్రతిబింబించే కథాంశంతో పాటు భారీ యాక్షన్‌ అంశాలు ఈ సినిమాకు ప్రధాన ఆకర్షణగా నిలవనున్నాయి.
About the Author
Please tell us what is wrong. Your report will be sent to the website team.
