* స్కూలుకు తాళం వేసి తల్లిదండ్రుల నిరసన
* వెంటనే ఉపాధ్యాయులను నియమించాలని డిమాండ్
ఆకేరు న్యూస్, గద్వాల : ఉపాధ్యాయులు లేక తమ పిల్లలకు సరైన విద్యనందడం లేదని తల్లిదండ్రులు రోడ్డెక్కారు. పాఠశాలకు తాళం వేసి నిరసన తెలిపారు. జోగులాంబ గద్వాల(Jogulamba Gadwala) జిల్లా ఆరగిద్ద ప్రాథమిక పాఠశాలలో 306 మంది విద్యార్థులకు గాను ఇద్దరు ఉపాధ్యాయులు మాత్రమే విధులు నిర్వర్తిస్తున్నారు. ఈ నేపథ్యంలో విద్యార్థుల తల్లిదండ్రులు సోమవారం పాఠశాలకు తాళం వేసి నిరసన వ్యక్తం చేశారు. వెంటనే ఉపాధ్యాయులను కేటాయించాలని డిమాండ్ చేశారు. దసరా సెలవుల తర్వాత వలంటీర్ల నియమిస్తామని ఎంఈఓ హామీ ఇవ్వడంతో ఆందోళన విరమించారు.
……………………………………….