Brahmanandam | హాస్యం కాదు.. ఈసారి సీరియస్

Published: 17 Aug 2026 • 07:23 PM Updated: 17 Aug 2026 • 07:25 PM

* సెప్టెంబర్ 11న గ్రాండ్ రిలీజ్

ఆకేరు న్యూస్, హైదరాబాద్: అక్కినేని సుమంత్, ఐశ్వర్య రాజేష్ ప్రధాన పాత్రల్లో నటిస్తున్న మోస్ట్ అవైటెడ్ స్పిరిచువల్ మిస్టరీ థ్రిల్లర్ ‘మహేంద్రగిరి వారాహి’. ‘సుబ్రహ్మణ్యపురం’ ఫేమ్ సంతోష్ జాగర్లపూడి దర్శకత్వంలో తెరకెక్కుతున్న ఈ చిత్రం, మహేంద్రగిరి పర్వత ప్రాంతం నేపథ్యంగా వారాహి మాత దివ్య శక్తులు (Divine Power) మరియు అంతుచిక్కని ఆధ్యాత్మిక రహస్యాల చుట్టూ సాగే పవర్‌ఫుల్ కథాంశంతో రూపొందుతోంది. రాజశ్యామల ఎంటర్‌టైన్‌మెంట్స్, బ్రిడ్జ్ ఫిలిమ్స్ బ్యానర్లపై కలిపు మధు, లక్ష్మణ్ సంయుక్తంగా ఈ చిత్రాన్ని నిర్మిస్తున్నారు.

ఇప్పటికే విడుదలైన ఈ చిత్ర టీజర్, ప్రమోషనల్ కంటెంట్‌కు ప్రేక్షకుల నుంచి అద్భుతమైన స్పందన లభించగా, తాజాగా చిత్ర బృందం హాస్యబ్రహ్మ బ్రహ్మానందం పాత్రకు సంబంధించిన పవర్‌ఫుల్ గ్లింప్స్‌ను విడుదల చేసింది.

* డివైన్ లుక్‌లో బ్రహ్మానందం..

తాజాగా విడుదల చేసిన స్పెషల్ గ్లింప్స్‌లో బ్రహ్మానందం సరికొత్త ఆధ్యాత్మిక అవతారంలో కనిపిస్తున్నారు. వారాహి అమ్మవారిని అత్యంత నిష్టతో ఆరాధించే భక్తుడి పాత్రలో ఆయన ఒదిగిపోయారు. “అమ్మ వారాహి.. మా మహేంద్రగిరిని కాపాడు తల్లి” అంటూ బ్రహ్మానందం అమ్మవారిని ఆవేదనతో ప్రార్థిస్తున్న సన్నివేశాలు ప్రేక్షకులలో ఆధ్యాత్మిక భావనతో పాటు గూస్‌బంప్స్ అనుభూతిని కలిగిస్తున్నాయి. గ్లింప్స్ చివర్లో వారాహి అమ్మవారి దివ్య దర్శనం ఇచ్చే విజువల్స్ అడుగడుగునా ఉత్కంఠను రేకెత్తిస్తున్నాయి.

* భారీ తారాగణం – సాంకేతిక వర్గం..

ఈ చిత్రంలో మీనాక్షి గోస్వామి, మాళవిక నాయర్, వెన్నెల కిషోర్, రాజీవ్ కనకాల, అలీ తదితరులు ఇతర ముఖ్యమైన పాత్రల్లో నటిస్తున్నారు. అనూప్ రూబెన్స్ అందించిన ఆధ్యాత్మిక నేపథ్య సంగీతం ఈ సినిమాకు ప్రధాన ఆకర్షణగా నిలవనుంది. ప్రతాప్ ఆర్ కృష్ణ కెమెరా పనితనం, జునైద్ సిద్ధిఖీ ఎడిటింగ్, కృష్ణ ఆర్ట్స్ ప్రొడక్షన్ డిజైన్ సినిమాను అత్యున్నత ప్రమాణాలతో తీర్చిదిద్దాయి.

అన్ని రకాల నిర్మాణానంతర కార్యక్రమాలను పూర్తి చేసుకుంటున్న ఈ స్పిరిచువల్ మిస్టరీ ఎంటర్‌టైనర్ సెప్టెంబర్ 11న ప్రపంచవ్యాప్తంగా గ్రాండ్‌గా థియేటర్లలోకి రాబోతోంది.

* సాంకేతిక వివరాలు..
నటీనటులు: సుమంత్, ఐశ్వర్య రాజేష్, మీనాక్షి గోస్వామి, మాళవిక నాయర్, బ్రహ్మానందం, వెన్నెల కిషోర్, రాజీవ్ కనకాల, అలీ
దర్శకత్వం: సంతోష్ జాగర్లపూడి
నిర్మాతలు: కలిపు మధు, లక్ష్మణ్
బ్యానర్లు: రాజశ్యామల ఎంటర్‌టైన్‌మెంట్స్, బ్రిడ్జ్ ఫిలిమ్స్
సంగీతం: అనూప్ రూబెన్స్
సినిమాటోగ్రఫీ: ప్రతాప్ ఆర్ కృష్ణ
ఎడిటర్: జునైద్ సిద్ధిఖీ
విడుదల తేదీ: సెప్టెంబర్ 11, 2026