రామప్ప ఆలయంలో పూజలు చేస్తున్న రాష్ట్ర గవర్నర్ జిష్ణుదేవ్ వర్మ
* రామప్ప దేవాలయంలో..
* గవర్నర్ జిష్ణు దేవ్ వర్మ ప్రత్యేక పూజలు
ఆకేరున్యూస్, హైదరాబాద్: ములుగు జిల్లా పర్యటనలో భాగంగా తెలంగాణ రాష్ట్ర గవర్నర్ జిష్ణు దేవ్ వర్మ రామప్ప దేవాలయానికి రాష్ట్ర పంచాయతీరాజ్, గ్రామీణాభివృద్ధి, స్త్రీ, శిశు సంక్షేమ, గ్రామీణ నీటి సరఫరా శాఖ మంత్రి దనసరి అనసూయ (సీతక్క), భద్రాచలం ఎమ్మెల్యే తెల్లం వెంకటరావు , భూపాలపల్లి ఎమ్మెల్యే గండ్ర సత్యనారాయణ రావు , గవర్నర్ ప్రిన్సిపల్ సెక్రటరీ బీ.వెంకటేశం, జిల్లా కలెక్టర్ దివాకర్, ఎస్పీ షభరిష్ తో కలిసి రామప్ప దేవాలయానికి చేరుకున్నారు. అనంతరం ఆలయ ప్రాంగణంలో పోలీస్ ల గౌరవ వందనం స్వీకరించారు. ఈ సందర్భంగా ఆలయ పండితులు గవర్నర్కు పూర్ణకుంభ ఘన స్వాగతం పలికారు. ఆయన రుద్రేశ్వరుడిని దర్శించుకుని ప్రత్యేక పూజలు నిర్వహించారు. ఆలయ పండితులు గవర్నర్ ను పట్టు వస్త్రాలతో సత్కరించి, ఆశీర్వచనం, తీర్థ ప్రసాదాలు అందజేశారు. ఈ కార్యక్రమంలో ఐటీడీఏ ఏటూరు నాగారం పీవో చిత్ర మిశ్రా, డీఎఫ్వో రాహుల్ కిషన్ జాదవ్, ఆర్డీవో సత్య పాల్ రెడ్డి సంబంధిత అధికారులు తదితరులు పాల్గొన్నారు.
