Mahesh Babu
Mahesh Babu: ఆకేరు న్యూస్, సినిమా: సూపర్స్టార్ మహేష్ బాబు, ప్రముఖ దర్శకుడు సంజయ్ లీలా భన్సాలీ కాంబినేషన్లో భారీ ప్రాజెక్ట్ రాబోతుందా? ప్రస్తుతం మహేష్ బాబు ‘వారణాసి’ షూటింగ్లో బిజీగా ఉన్నారు. ఈ సినిమా తర్వాత మహేష్తో ఓ భారీ ప్రాజెక్ట్ చేయాలని భన్సాలీ ఆసక్తి చూపిస్తున్నట్లు సినీ వర్గాల్లో ప్రచారం జరుగుతోంది.
కథపై చర్చలు?
భన్సాలీ తన మేకింగ్ స్టైల్కు సరిపోయేలా మహేష్ బాబు కోసం ఓ కథను సిద్ధం చేస్తున్నట్లు సమాచారం. ఈ ప్రాజెక్ట్కు సంబంధించి ప్రాథమిక స్థాయిలో చర్చలు కూడా జరుగుతున్నట్లు టాలీవుడ్ వర్గాల్లో టాక్ వినిపిస్తోంది. అయితే ఈ కాంబినేషన్పై ఇప్పటివరకు అధికారిక ప్రకటన వెలువడలేదు.
చివరి దశలో ‘వారణాసి’
మహేష్ బాబు నటిస్తున్న ‘వారణాసి’ షూటింగ్ దాదాపు చివరి దశకు చేరుకున్నట్లు తెలుస్తోంది. ఈ సినిమా పూర్తయిన తర్వాతే తన తదుపరి ప్రాజెక్ట్పై మహేష్ అధికారికంగా నిర్ణయం తీసుకునే అవకాశం ఉంది.
భారీ విజువల్ ఫీస్ట్?
సంజయ్ లీలా భన్సాలీ సినిమాల్లో కనిపించే విజువల్ గ్రాండియర్, రాయల్ లుక్స్కు మహేష్ బాబు స్క్రీన్ ప్రెజెన్స్ సరిగ్గా సరిపోతుందని అభిమానులు భావిస్తున్నారు. ఈ కాంబినేషన్ నిజమైతే భారీ బడ్జెట్తో తెరకెక్కే విజువల్ ఫీస్ట్గా సినిమా నిలిచే అవకాశం ఉందనే అంచనాలు వ్యక్తమవుతున్నాయి. అయితే ప్రస్తుతం ఇవన్నీ సినీ వర్గాల్లో జరుగుతున్న ప్రచారమే కాగా, అధికారిక వివరాలు రావాల్సి ఉంది.
About the Author
Please tell us what is wrong. Your report will be sent to the website team.
