The Paradise Team Medaram
* మొక్కులు చెల్లించుకున్న హీరో నాని
ఆకేరు న్యూస్, ములుగు : నాని హీరోగా శ్రీకాంత్ ఓదెల దర్శకత్వం వహించిన ది ప్యారడైజ్ టీమ్ మంగళవారం సమ్మక్క సారలమ్మ ఆలయాన్ని దర్శించుకున్నారు. హీరో నాని, దర్శకుడు శ్రీకాంత్ ఓదెల, నిర్మాత చెరుకూరి సుధాకర్ , నటుడు సంపూర్ణేష్ బాబు తదితరులు ఆలయాన్ని దర్శించుకుని ప్రత్యేక పూజలు నిర్వహించారు. ఈ సినిమా మరింత పెద్ద హిట్ కావాలని, జీవితంలో మరిన్ని మంచి సినిమాలు చేసే అవకాశం కల్పించాలని సమ్మక్క సారలమ్మను మొక్కుకున్నట్టు సినిమా టీమ్ తెలిపింది.
ఆలయానికి చేరుకున్న చిత్ర బృందం అమ్మవార్లకు ప్రత్యేక పూజలు నిర్వహించింది. అనంతరం తమ మొక్కులో భాగంగా బెల్లంతో తయారు చేసిన ఎత్తు బంగారాన్ని సమర్పించి వనదేవతల ఆశీస్సులు తీసుకుంది. సినీ బృందం మేడారం చేరుకున్న సందర్భంగా ఆలయ పరిసరాల్లో సందడి నెలకొంది.
ఆలయ పూజారులు సంప్రదాయ పద్ధతిలో పూజా కార్యక్రమాలు నిర్వహించి అమ్మవార్లకు మొక్కులు చెల్లించుకునేలా ఏర్పాట్లు చేశారు. పూజల అనంతరం చిత్ర బృందం సభ్యులు మేడారం సమ్మక్క–సారలమ్మ వనదేవతల మహత్యం, ఆలయ విశిష్టత గురించి తెలుసుకున్నారు.
‘ది ప్యారడైజ్’ సినిమా విజయవంతం కావాలని, చిత్ర బృందానికి మంచి పేరు రావాలని కోరుకుంటూ ప్రత్యేక పూజలు నిర్వహించినట్లు తెలుస్తోంది. బెల్లాన్ని బంగారంగా భావించి వనదేవతలకు సమర్పించే సంప్రదాయంలో భాగంగా ఎత్తు బంగారాన్ని అమ్మవార్లకు సమర్పించారు.
మేడారం సమ్మక్క–సారలమ్మలను దర్శించుకునేందుకు తెలంగాణతో పాటు వివిధ ప్రాంతాల నుంచి భక్తులు తరలివస్తుంటారు. వనదేవతలకు బెల్లాన్ని బంగారంగా సమర్పించడం మేడారం జాతరలో ప్రత్యేక ఆచారం. ఈ నేపథ్యంలో సినీ బృందం కూడా ఎత్తు బంగారం సమర్పించి మొక్కు చెల్లించుకోవడం విశేషంగా నిలిచింది.
About the Author
Please tell us what is wrong. Your report will be sent to the website team.
