Vishwanath & Sons OTT Release | ఓటీటీలోకి విశ్వనాథ్ అండ్ సన్స్

Published: 08 Sep 2026 • 06:35 PM

* ఎక్కడ చూడాలంటే..

* స్ట్రీమింగ్ తేదీని ప్రకటించిన నెట్‌ఫ్లిక్స్

ఆకేరు న్యూస్‌, హైద‌రాబాద్ :

సూర్య, మమితా బైజు జంటగా వెంకీ అట్లూరి దర్శకత్వంలో తెరకెక్కిన ‘విశ్వనాథ్ అండ్ సన్స్’ చిత్రం ఓటీటీలోకి వచ్చేందుకు సిద్ధమైంది. ఆగస్టు 14న థియేటర్లలో విడుదలైన ఈ సినిమాకు ప్రేక్షకుల నుంచి మంచి స్పందన లభించింది. బాక్సాఫీస్ వద్ద కూడా విజయవంతంగా దూసుకెళ్లిన ఈ చిత్రం.. సూర్య కెరీర్‌లో అత్యధిక వసూళ్లు సాధించిన చిత్రాల్లో రెండో స్థానంలో నిలిచింది. అంతేకాకుండా 2026లో అత్యధిక వసూళ్లు సాధించిన తమిళ చిత్రాల్లో ఒకటిగా నిలిచింది.

* ఎక్కడ చూడొచ్చంటే..

‘విశ్వనాథ్ అండ్ సన్స్’ చిత్రం సెప్టెంబర్ 11 నుంచి నెట్‌ఫ్లిక్స్‌లో స్ట్రీమింగ్ కానుంది. ఈ విషయాన్ని నెట్‌ఫ్లిక్స్ తన అధికారిక సోషల్ మీడియా ఖాతా ద్వారా వెల్లడించింది.‘‘సంజయ్ విశ్వనాథ్‌ను కలుసుకోండి. అథ్లెట్.. బిలియనీర్.. దాత‌, ప్రేమగల తండ్రి’’ అంటూ నెట్‌ఫ్లిక్స్ సినిమా స్ట్రీమింగ్ తేదీని ప్రకటించింది. ఈ సినిమా తమిళం, హిందీ, తెలుగు, కన్నడ, మలయాళం భాషల్లో అందుబాటులోకి రానుంది.

* ఈ చిత్రాలతో.. వెంకీ అట్లూరి గుర్తింపు

‘లక్కీ భాస్కర్’.. ‘వాతి’ వంటి చిత్రాలతో గుర్తింపు తెచ్చుకున్న వెంకీ అట్లూరి ఈ సినిమాకు దర్శకత్వం వహించారు. సితార ఎంటర్‌టైన్‌మెంట్స్‌, ఫార్చూన్‌ ఫోర్‌ సినిమాస్‌ సంయుక్తంగా నిర్మించాయి. సూర్య, మమితా బైజు ప్రధాన పాత్రల్లో నటించగా.. రాధికా శరత్‌కుమార్‌, రవీనా టాండన్‌ కీలక పాత్రల్లో న‌టించారు.