XIAOMI 17T SERIES INDIA LAUNCH | జూన్ 4న భారత్‌లో ఎంట్రీ!

ఆకేరు డెస్క్: Xiaomi తమ కొత్త Xiaomi 17T సిరీస్ లాంచ్ తేదీలను అధికారికంగా ప్రకటించింది. గ్లోబల్ మార్కెట్‌లో ఈ స్మార్ట్‌ఫోన్ సిరీస్‌ను మే 28, 2026న విడుదల చేయనుండగా, భారత్‌లో (India Launch) జూన్ 4, 2026న లాంచ్ చేయనున్నట్లు కంపెనీ వెల్లడించింది.

వియన్నాలో (ఆస్ట్రియా) జరగనున్న ఈ గ్లోబల్ ఈవెంట్‌లో Xiaomi 17Tతో పాటు, Xiaomi 17T Pro మోడల్‌ను కూడా పరిచయం చేయనున్నారు.

* లైకా కెమెరాలతో ప్రీమియం ఫీచర్లు

ఈ ఫోన్‌లో Leica ట్యూన్ చేసిన ట్రిపుల్ రియర్ కెమెరా సెటప్ ఉండనుంది. ఇందులో 50MP మెయిన్ కెమెరా (OIS సపోర్ట్‌తో), 12MP అల్ట్రా వైడ్ లెన్స్, 50MP పెరిస్కోప్ టెలిఫోటో కెమెరా, పెరిస్కోప్ లెన్స్ కారణంగా లాంగ్ డిస్టెన్స్ ఫోటోగ్రఫీ మరింత మెరుగ్గా ఉండనుందని టెక్ వర్గాలు చెబుతున్నాయి.

* డైమెన్సిటీ 8500 అల్ట్రా ప్రాసెసర్..

ఈ స్మార్ట్‌ఫోన్‌కు MediaTek Dimensity 8500 Ultra చిప్‌సెట్ శక్తినివ్వనుంది. ఫోన్‌లో 12GB RAMతో పాటు తాజా Android 16 ఆపరేటింగ్ సిస్టమ్ ఉండే అవకాశం ఉంది. Xiaomi 17Tలో 6.59 అంగుళాల 1.5K LTPS AMOLED డిస్‌ప్లే ఉండే అవకాశం ఉంది. అలాగే 144Hz రిఫ్రెష్ రేట్ సపోర్ట్ ఇవ్వనున్నట్లు లీక్స్ సూచిస్తున్నాయి. దీంతో గేమింగ్, స్క్రోలింగ్ అనుభవం మరింత స్మూత్‌గా ఉండనుంది.

* భారీ బ్యాటరీ.. ఫాస్ట్ ఛార్జింగ్

బ్యాటరీ విభాగంలో Xiaomi 17T బలమైన అప్‌గ్రేడ్‌తో రానుంది. ఇందులో 6,500mAh భారీ బ్యాటరీ, 67W HyperCharge ఫాస్ట్ ఛార్జింగ్ సపోర్ట్ ఇవ్వనున్నట్లు సమాచారం.

* వాటర్, డస్ట్ రెసిస్టెన్స్

ఈ ఫోన్‌కు **IP68 మరియు IP69 రేటింగ్స్** ఇవ్వనున్నట్లు తెలుస్తోంది. దీంతో నీరు, దూళి నుంచి మెరుగైన రక్షణ లభించనుంది.

ప్రీమియం ఫీచర్లు, భారీ బ్యాటరీ, Leica కెమెరాలతో వస్తున్న Xiaomi 17T భారత మార్కెట్లో మిడ్-ప్రీమియం సెగ్మెంట్‌లో గట్టి పోటీ ఇవ్వనుందని విశ్లేషకులు భావిస్తున్నారు.
ALSO READ :