DONALD TRUMP | సీక్రెట్ సర్వీస్ అదుపులో నిందితుడు

ఆకేరు న్యూస్, డెస్క్ :
అత్యంత భారీ భద్రత ఉండే వైట్ హౌజ్ వద్ద కాల్పుల ఘటన కలకలం రేగింది..
అమెరికా అధ్యక్షుడు డొనాల్డ్ ట్రంప్, ప్రథమ మహిళ మెలానియా ట్రంప్ ఇతర ఉన్నతాధికారులు పాల్గొన్న ఈ విందులో రాత్రి సుమారు 8:40 గంటల సమయంలో ఒక్కసారిగా తుపాకీ శబ్దాలు వినిపించాయి. భద్రతా తనిఖీ కేంద్రం (Magnetometer area) వద్ద ఈ ఘటన చోటుచేసుకున్నది

* ఆధునిక ఆయుధాలతో దాడి

కాలిఫోర్నియాలోని టోరెన్స్‌కు చెందిన కోల్ థామస్ అలెన్ (31)అనే వ్యక్తి అనేక ఆయుధాలతో సెక్యూరిటీ చెక్‌పాయింట్ వైపు దూసుకువచ్చాడు.
* కోల్ థామస్ వద్ద ఒక షాట్‌గన్, ఒక హ్యాండ్‌గన్ వివిద రకాల కత్తులు ఉన్నట్లు పోలీసులు గుర్తించారు. నిందితుడు కాల్పులు జరపగానే సీక్రెట్ సర్వీస్ ఏజెంట్లు వెంటనే అప్రమత్తమై అతడిని అదుపులోకి తీసుకున్నారు. ఈ క్రమంలో థామస్ పై కూడా ఎదురు కాల్పులు జరిగినట్లు తెలుస్తోంది. ప్రస్తుతం ఆసుపత్రిలో చికిత్స పొందుతున్నాడు.

*సీక్రెట్ సర్వీస్ అధికారికి గాయాలు

ఈ కాల్పుల్లో ఒక సీక్రెట్ సర్వీస్ అధికారికి సైతం గాయాలు అయినాయి. ఆ అధికారి బుల్లెట్ ప్రూఫ్ జాకెట్ ధరించి ఉండటంతో ప్రాణాపాయం తప్పిందని ఆదికారులు తెలిపారు. ఆ అధికారిని ట్రంప్ స్వయంగా కలిసి పరామర్శించారు.

*సీక్రెట్ సర్వీస్ అధికారులను అభినందించిన ట్రంప్

కాల్పుల ఘటన జరిగిన రెండు గంటల తర్వాత ట్రంప్ విలేకరులతో మాట్లాడారు
“సీక్రెట్ సర్వీస్ అధికారులు అద్భుతంగా పనిచేశారు. వారు ప్రాణాలకు తెగించి ఆ దుండగుడిని అడ్డుకున్నారు. పారదర్శకత కోసం తాను ఆ ఘటనకు సంబంధించిన టేప్‌ను విడుదల చేయాలని ఆదేశించినట్లు ట్రంప్ తెలిపారు. అందులో నిందితుడు రాజ్యాంగంపై దాడికి ఎలా ప్రయత్నించాడో చూడవచ్చని పేర్కొన్నారు.

విలేకరులు అడిగిన ప్రశ్నకు నేను ప్రభావవంతంగా పని చేస్తున్నాను కాబట్టే నాపై ఇలాంటి దాడులు జరుగుతున్నాయని ట్రంప్ పేర్కొన్నారు..