Gondhal
Gondhal| ఆకేరు న్యూస్, సినిమా: మరాఠీ సైకలాజికల్ థ్రిల్లర్ ‘గొంధల్’ ఆస్కార్ బరిలో నిలిచింది. 99వ అకాడమీ అవార్డ్స్‌కు భారత అధికారిక ఎంట్రీగా ఎంపికైన ఈ చిత్రానికి అక్టోబర్ 9 నుంచి దేశంలోని ఆరు ప్రధాన నగరాల్లో ప్రత్యేక ప్రివ్యూ షోలు నిర్వహించనున్నారు.
ఆరు నగరాల్లో ప్రివ్యూలు
ముంబై, పుణె, ఢిల్లీ, చెన్నై, హైదరాబాద్, బెంగళూరులో ఈ ప్రత్యేక ప్రదర్శనలు జరగనున్నాయి. మరాఠీ, హిందీ భాషల్లో ప్రివ్యూలను ప్రదర్శించేందుకు మేకర్స్ ఏర్పాట్లు చేస్తున్నారు. ప్రపంచవ్యాప్తంగా థియేట్రికల్ రిలీజ్‌కు ముందు ప్రేక్షకులకు సినిమాను బిగ్‌స్క్రీన్‌పై చూసే అవకాశం కల్పించనున్నారు.
దర్శకుడి మాటల్లో..
‘గొంధల్’కు సంతోష్ దవాఖర్ రచన, దర్శకత్వం వహించారు. మహారాష్ట్ర సంస్కృతి నేపథ్యంలో రూపొందిన ఈ సైకలాజికల్ థ్రిల్లర్‌ను థియేటర్ అనుభవానికి అనుగుణంగా తెరకెక్కించినట్లు ఆయన తెలిపారు. సినిమా కథ, వాతావరణం, శబ్దం, విజువల్స్‌తో పాటు పాత్రల మానసిక ప్రయాణాన్ని ప్రేక్షకులు థియేటర్‌లో స్వయంగా అనుభవించాలని కోరుకుంటున్నట్లు చెప్పారు. ఆస్కార్‌లో భారత్‌కు ప్రాతినిధ్యం వహించే అవకాశం దక్కిన నేపథ్యంలో ఈ ప్రివ్యూ షోలు మరింత ప్రత్యేకంగా మారాయని చిత్రబృందం పేర్కొంది.
ఆస్కార్‌పై ఆసక్తి
99వ అకాడమీ అవార్డ్స్‌కు సంబంధించిన లాంగ్‌లిస్ట్, షార్ట్‌లిస్ట్ వివరాలను అవార్డ్స్ వేడుకకు ముందుగా ప్రకటించనున్నారు. ‘గొంధల్’ తదుపరి దశలో ఎలా ముందుకు సాగుతుందన్న దానిపై సినీ వర్గాల్లో ఆసక్తి నెలకొంది.
About the Author
Please tell us what is wrong. Your report will be sent to the website team.
