Idupu Kayitham | ఇడుపు కాయితం నుంచి ‘శ్రీలత..’

Published: 12 Sep 2026 • 05:19 PM

* డిసెంబర్‌లో థియేటర్లలోకి

ఆకేరు న్యూస్, హైదరాబాద్: హీరో ప్రియదర్శి నటిస్తున్న తాజా చిత్రం ‘ఇడుపు కాయితం’ నుంచి ‘శ్రీలత..’ పాట విడుదలైంది. తెలంగాణ ఫ్యామిలీ బ్యాక్‌డ్రాప్‌తో ఎంటర్‌టైనింగ్ డ్రామాగా తెరకెక్కుతున్న ఈ సినిమాకు యువ దర్శకుడు వంశీరెడ్డి దొండపాటి దర్శకత్వం వహిస్తున్నారు. బన్నీ వాస్ వర్క్స్, సుకుమార్ రైటింగ్స్ బ్యానర్లపై బన్నీ వాస్, సుకుమార్ నిర్మిస్తున్నారు.

* ఆకట్టుకుంటున్న జంట కెమిస్ట్రీ

‘శ్రీలత..’ పాటలో ప్రియదర్శి, నాగదుర్గ మధ్య కెమిస్ట్రీ ప్రేక్షకులను ఆకట్టుకుంటోంది. తెలంగాణ ఫోక్ సాంగ్స్‌తో గుర్తింపు తెచ్చుకున్న నాగదుర్గ ఈ సినిమాతో హీరోయిన్‌గా పరిచయం అవుతున్నారు. సురేష్ బొబ్బిలి సంగీతం అందించిన ఈ పాటకు అలరాజు సాహిత్యం అందించారు. శంకర్ బాబు, మోహన భోగరాజు ఆలపించారు. అందమైన లొకేషన్స్‌లో చిత్రీకరించిన ఈ పాటలో పిల్లలతో రూపొందించిన డ్యాన్స్ సీక్వెన్సులు ప్రత్యేక ఆకర్షణగా నిలిచాయి. మెలోడీగా సాగుతున్న పాటకు మ్యూజిక్ లవర్స్ నుంచి మంచి స్పందన వస్తోంది.

* డిసెంబర్‌లో థియేటర్లలోకి

‘ఇడుపు కాయితం’ ప్రస్తుతం రెగ్యులర్ షూటింగ్ జరుపుకుంటోంది. సినిమాను డిసెంబర్ మొదటి వారంలో గ్రాండ్‌గా థియేటర్లలో విడుదల చేసేందుకు మేకర్స్ సన్నాహాలు చేస్తున్నారు. ఈ చిత్రంలో శివజ్యోతి, సుజాత, చంద్రవ్వ, మౌనిక రెడ్డి, రచ్చరవి, బిత్తిరి సత్తి, అభయ్ బేతిగంటి, మైమ్ మధు తదితరులు కీలక పాత్రల్లో నటిస్తున్నారు.