*డ్రగ్ టెస్టుకు నేను సిద్ధం.. ప్రభుత్వం ఎందుకు వెనకాడుతోంది?
*పైలట్ రోహిత్ రెడ్డిపై వేటు
* పార్టీ క్రమశిక్షణ తప్పితే ఉపేక్షించేది లేదు – కేటీఆర్
ఆకేరు న్యూస్, హైదరాబాద్:
మొయినాబాద్ డ్రగ్స్ కేసుపై బీఆర్ఎస్ వర్కింగ్ ప్రెసిడెంట్ కేటీఆర్ కీలక వ్యాఖ్యలు చేశారు. ఈ కేసులో నిబంధనలు అతిక్రమించినందుకు గాను పైలట్ రోహిత్ రెడ్డిపై పార్టీ పరంగా చర్యలు తీసుకున్నామని, ఆయనకు షోకాజ్ నోటీసులు జారీ చేసి తాత్కాలికంగా సస్పెండ్ చేసినట్లు వెల్లడించారు. తాను డ్రగ్ టెస్టులకు ఎప్పుడైనా సిద్ధమని గతంలోనే ప్రకటించానని, కానీ ప్రభుత్వం దీనిపై ఎందుకు ముందుకు రావడం లేదని ఆయన ప్రశ్నించారు. హైదరాబాద్లో మీడియాతో మాట్లాడిన సందర్భంగా, ఇతర పార్టీల నేతల వ్యవహారశైలిని కూడా ఆయన తప్పుబట్టారు.
రాష్ట్రంలో రుణమాఫీ అంశంపై జరుగుతున్న చర్చపై కేటీఆర్ ఘాటుగా స్పందించారు. రూ. 57 వేల కోట్ల రుణమాఫీ చేశామని ప్రభుత్వం చెబుతున్న మాటల్లో వాస్తవం లేదన్నారు. ఒకవేళ ప్రభుత్వం చెప్పినట్లుగా అందరికీ రుణమాఫీ జరిగినట్లు ఆధారాలు చూపిస్తే, తాను తన పదవికి రాజీనామా చేయడానికి ఇప్పటికీ కట్టుబడి ఉన్నానని సవాల్ విసిరారు. ప్రజలను తప్పుదోవ పట్టించేలా మంత్రులు మాట్లాడటం సరికాదని హితవు పలికారు. అలాగే నిషిద్ధ భూముల విషయంలో ప్రభుత్వం అనుసరిస్తున్న తీరును ఆయన ఎండగట్టారు.
మరోవైపు రాష్ట్రంలో అధికారుల తీరుపై కేటీఆర్ అసహనం వ్యక్తం చేశారు. మంత్రుల కంటే అధికారులే ఎక్కువగా రాజకీయ వ్యాఖ్యలు చేస్తున్నారని విమర్శించారు. మూసీ ప్రాజెక్టు విషయంలో నిబంధనలకు విరుద్ధంగా వ్యవహరిస్తే ఊరుకోబోమని హెచ్చరించారు. ప్రభుత్వం సభలో సరైన వివరాలు వెల్లడించకుండా కాలయాపన చేస్తోందని, ప్రజల సొమ్మును దుర్వినియోగం చేసేలా ప్రణాళికలు ఉన్నాయని మండిపడ్డారు. బాధ్యతాయుతమైన పదవుల్లో ఉన్న వారు హుందాగా వ్యవహరించాలని ఆయన సూచించారు
About the Author
Please tell us what is wrong. Your report will be sent to the website team.
