SRR Foundation | ఆపదలో అభయహస్తం.. పేదలకు చేయూత

Published: 18 Sep 2026 • 03:12 PM

* ఎస్ఆర్ఆర్ ఫౌండేషన్ సేవా పథం

ఆకేరు న్యూస్, రాయపర్తి : సామాజిక సేవయే పరమావధిగా, ఆపదలో ఉన్న వారికి అండగా నిలవడమే ధ్యేయంగా ఎస్ఆర్ఆర్ (SRR) ఫౌండేషన్ మండలంలో తనదైన సేవా ముద్ర వేస్తోంది. ఫౌండేషన్ చైర్మన్, బీఆర్ఎస్ జిల్లా నాయకులు పరుపాటి శ్రీనివాసరెడ్డి నాయకత్వంలో రాయపర్తి మండల కేంద్రంతో పాటు మండలంలోని ప్రతి గ్రామంలోనూ అనేక రకాల సంక్షేమ, సేవా కార్యక్రమాలు నిరంతరం కొనసాగుతున్నాయి.

* బాధిత కుటుంబాలకు ఆసరా..

మండలంలోని ఏ గ్రామంలోనైనా నిరుపేద కుటుంబాల్లో ఎవరైనా తీవ్ర అనారోగ్యంతో మృతి చెందినప్పుడు, లేదా అనుకోని రోడ్డు ప్రమాదాల (యాక్సిడెంట్లు) బారినపడి కుటుంబ ఆధారమైన వ్యక్తిని కోల్పోయినప్పుడు ఎస్ఆర్ఆర్ ఫౌండేషన్ తక్షణమే స్పందిస్తోంది. బాధిత కుటుంబాలను నేరుగా పరామర్శించి, ఆర్థిక సహాయం అందిస్తూ వారికి కొండంత అండగా నిలుస్తోంది.

వైద్య సహాయం – అత్యవసర ఆసరా..

తీవ్రమైన రోగాలు, వైద్య ఖర్చులు భరించలేని పరిస్థితుల్లో ఉన్న పేద రోగులకు, హాస్పిటల్ ఖర్చుల నిమిత్తం సహాయం అందిస్తూ ఎస్ఆర్ఆర్ ఫౌండేషన్ ఆదుకుంటోంది. మండలంలో ఎవరికి ఎలాంటి ఆరోగ్య అత్యవసర పరిస్థితి వచ్చినా “మేమున్నామంటూ” ముందుకొచ్చి ఆర్థిక సాయం అందిస్తున్నారు.

* పేద విద్యార్థులకు విద్యా సహాయం..

ఆర్థిక స్తోమత లేక చదువుకు దూరమయ్యే పరిస్థితి ఉన్న ప్రతిభావంతులైన పేద విద్యార్థులకు ఫౌండేషన్ ఆధ్వర్యంలో ఆర్థిక సహాయం అందిస్తున్నారు. వారి చదువుకు కావలసిన ఇతర వస్తువులను సమకూర్చి వారి భవిష్యత్తుకు మార్గం సుగమం చేస్తున్నారు.

* భక్తులకు భజన సామగ్రి పంపిణీ..

ఈ సేవా కార్యక్రమంలో భాగంగానే, రాయపర్తి మండలంలోని కొలన్ పల్లి గ్రామ వినాయక భక్తుల విజ్ఞప్తి మేరకు ఎస్ఆర్ఆర్ ఫౌండేషన్ చైర్మన్ పరుపాటి శ్రీనివాసరెడ్డి స్పందించారు. భజనకు కావలసిన డోలు, తపలాలు, తాళాలు మరియు హార్మోనియం కిట్‌ను ₹10,000/- (పది వేల రూపాయల) వ్యయంతో కొనుగోలు చేసి భక్తులకు విరాళంగా అందించారు. ఎస్ఆర్ఆర్ ఫౌండేషన్ ఆధ్వర్యంలో మండల నాయకులు లేతాకుల రంగారెడ్డి చేతుల మీదుగా ఈ భజన సామాగ్రిని కొలన్ పల్లి గ్రామ వినాయక భక్తులకు అందజేశారు.

* ప్రజాసేవే పరమావధి..

ఈ సందర్భంగా ఫౌండేషన్ ప్రతినిధులు మరియు బిఆర్ఎస్ మండల నాయకులు మాట్లాడుతూ… సమాజంలో ఆర్థికంగా వెనుకబడిన ప్రతి ఒక్కరినీ ఆదుకోవడమే పరుపాటి శ్రీనివాసరెడ్డి ప్రధాన ఉద్దేశమని తెలిపారు. పదవులతో సంబంధం లేకుండా నిరంతరం ప్రజల మధ్య ఉంటూ, మండలంలో ఎక్కడ ఎవరికి ఎలాంటి ఆపద వచ్చినా ఎస్ఆర్ఆర్ ఫౌండేషన్ ద్వారా సహాయం అందించడానికి ఎల్లప్పుడూ సిద్ధంగా ఉంటామని స్పష్టం చేశారు.

అడిగిన వెంటనే స్పందించి రూ. 10వేల విలువైన భజన సామాగ్రిని అందించడమే కాకుండా, మండలవ్యాప్తంగా నిరంతరం సేవా కార్యక్రమాలు నిర్వహిస్తున్న పరుపాటి శ్రీనివాసరెడ్డికి, కొలన్ పల్లి గ్రామస్తులు మరియు వినాయక ఉత్సవ కమిటీ భక్తులు ప్రత్యేక ధన్యవాదాలు తెలిపారు.

ఈ కార్యక్రమంలో కర్ర రవీందర్ రెడ్డి, చందు రామ్, సంది దేవేందర్ రెడ్డి, సంకినేని ఎల్ల స్వామి, స్థానిక నాయకులు చిట్యాల వెంకన్న, తోట నరసింహం, తోటయోగానందం, మాచర్ల సోనారి, బల్లకారి యాకయ్య, పనికిరా విజయ్ కుమార్, సత్తూరి వెంకన్న, తదితరులు పాల్గొన్నారు.