Suriya
* సూర్య
ఆకేరు న్యూస్, డెస్క్: కోలీవుడ్లో స్టార్ హీరోల అభిమానుల మధ్య సోషల్ మీడియాలో తరచూ ఫ్యాన్ వార్స్ జరుగుతున్న నేపథ్యంలో హీరో సూర్య తన అభిమానులకు కీలక సూచన చేశారు. ట్రోల్స్, విమర్శలకు స్పందిస్తూ అనవసరమైన వాదనల్లోకి వెళ్లొద్దని కోరారు. అభిమానుల సమావేశంలో మాట్లాడిన సూర్య.. ప్రేమను పంచుతూ సానుకూలంగా ఉండాలని సూచించారు.
మూర్ఖుడితో వాదిస్తే..
ట్రోల్స్తో వాదించడం వల్ల ఎలాంటి ప్రయోజనం ఉండదని సూర్య పేర్కొన్నారు. ‘‘మూర్ఖుడితో గొడవపడితే.. చివరికి మనం కూడా మూర్ఖుడిలాగే కనిపిస్తాం’’ అనే అర్థంలో ఆయన వ్యాఖ్యలు చేశారు. సోషల్ మీడియాలో ఎవరైనా రెచ్చగొట్టేలా వ్యాఖ్యలు చేసినా వాటికి స్పందించకుండా ముందుకు సాగాలని అభిమానులకు సూచించారు.
అభిమానుల మధ్య భిన్నాభిప్రాయాలు
ఇదిలా ఉండగా.. హీరో కార్తికేయన్ ఇటీవల ‘సర్దార్ 2’, ‘మందాడి’ చిత్రాలను అభినందిస్తూ సోషల్ మీడియాలో చేసిన పోస్టు సూర్య అభిమానుల్లో కొంత చర్చకు దారితీసినట్లు తెలుస్తోంది. ఈ నేపథ్యంలో అభిమానుల మధ్య భిన్నాభిప్రాయాలు వ్యక్తమైనట్లు సోషల్ మీడియాలో చర్చ జరుగుతోంది. అయితే దీనిపై సూర్య నేరుగా స్పందించినట్లు సమాచారం లేదు.
ప్రేమను పంచాలని పిలుపు
తన అభిమానులు ఇతర హీరోల అభిమానులతో గొడవలకు దిగకుండా పరస్పరం గౌరవించుకోవాలని సూర్య కోరారు. తనపై చూపించే అభిమానాన్ని మంచి పనుల ద్వారా చాటుకోవాలని సూచించారు. హీరోల మధ్య పోటీ ఉండొచ్చని, కానీ అది అభిమానుల మధ్య విద్వేషానికి దారితీయకూడదనే సందేశాన్ని ఆయన ఇచ్చారు. ప్రస్తుతం సూర్య చేసిన వ్యాఖ్యలు సోషల్ మీడియాలో వైరల్గా మారాయి. ట్రోల్స్, ఫ్యాన్ వార్స్కు దూరంగా ఉండాలన్న ఆయన సూచనపై అభిమానులు స్పందిస్తున్నారు.
About the Author
Please tell us what is wrong. Your report will be sent to the website team.
