CM Vijay| విజయ్ హగ్ కోసం రోడ్డుపై

Published: 30 Sep 2026 • 09:08 PM

ఆకేరు న్యూస్, న్యూఢిల్లీ: తమిళనాడు ముఖ్యమంత్రి, నటుడు సి. జోసెఫ్ విజయ్‌ను కలవాలంటూ ఓ మహిళ ఢిల్లీలోని జంతర్ మంతర్ సమీపంలో రోడ్డుపై పడుకుని నిరసనకు దిగినట్లు పేర్కొంటున్న వీడియో సోషల్ మీడియాలో వైరల్‌గా మారింది. సెప్టెంబర్ 29న ఈ ఘటన జరిగినట్లు వీడియోను షేర్ చేసిన పోస్టుల్లో పేర్కొన్నారు.

వీడియోలో ఇద్దరు మహిళా పోలీసులు ఆమెను రోడ్డుపై నుంచి పక్కకు వెళ్లాలని నచ్చజెప్పేందుకు ప్రయత్నిస్తున్నట్లు కనిపించింది. అయితే.. విజయ్ వచ్చి తనను హగ్ చేసుకునే వరకు అక్కడి నుంచి కదలనని మహిళ చెప్పినట్లు వీడియోలో వినిపిస్తోంది.

పోలీసులు ఆమెను అక్కడి నుంచి తరలించేందుకు ప్రయత్నించగా.. “నన్ను తాకొద్దు.. ఇది నా హక్కు” అంటూ ఆమె అభ్యంతరం వ్యక్తం చేసినట్లు తెలుస్తోంది. దీంతో పోలీసులు ఆమెను ఒప్పించే ప్రయత్నం చేశారు.

వీడియోలో విజయ్ కనిపించలేదు

ఇన్‌స్టాగ్రామ్ యూజర్ సయ్యద్ ఖమర్ అలీ ఈ వీడియోను షేర్ చేసినట్లు కథనాల్లో పేర్కొన్నారు. మహిళ గుర్తింపు వెంటనే తెలియరాలేదు. అలాగే వీడియోలో విజయ్ అక్కడ ఉన్నట్లు, ఆమెతో మాట్లాడినట్లు ఎలాంటి ఆధారాలు కనిపించలేదు.

మహిళ ఎందుకు ఈ విధంగా రోడ్డుపై పడుకుంది? ఆమెకు విజయ్‌తో ఏమైనా సంబంధం ఉందా? అనే విషయాలు వీడియో ద్వారా స్పష్టంగా తెలియడం లేదు. ప్రస్తుతం ఈ వీడియోపై సోషల్ మీడియాలో పలువురు స్పందిస్తున్నారు.

విజయ్ రాజకీయ ప్రస్థానం

నటుడిగా సుపరిచితుడైన సి. జోసెఫ్ విజయ్ తమిళగ వెట్రి కజగం (TVK) పార్టీని స్థాపించి రాజకీయాల్లోకి ప్రవేశించారు. 2026 మేలో తమిళనాడు ముఖ్యమంత్రిగా బాధ్యతలు చేపట్టారు.