Seasonal Diseases Awareness Rayaparthy
ఆకేరు న్యూస్, రాయపర్తి :
మండల పరిధిలోని పలు సబ్సెంటర్లు మరియు పల్లె దవాఖానలను వైద్యాధికారి (మెడికల్ ఆఫీసర్) డాక్టర్ అరుణ్ చంద్ర గురువారం ఆకస్మికంగా తనిఖీ చేశారు. ఈ తనిఖీల్లో భాగంగా కొండూరు, కాట్రపల్లి, మోర్పిరాల, గ్రామాల పల్లె దవాఖానలలోని రికార్డులను, ఔషధాల నిల్వలను మరియు రోగులకు అందిస్తున్న వైద్య సేవలను ఆయన నిశితంగా పరిశీలించారు.
ఈ సందర్భంగా వైద్యాధికారి డాక్టర్ అరుణ్ చంద్ర మాట్లాడుతూ… ఆస్పత్రుల్లో నిరంతరం పరిశుభ్రత పాటించాలని, వైద్యసేవల కోసం వచ్చే రోగులకు ఎటువంటి ఇబ్బందులు కలగకుండా తగిన జాగ్రత్తలు తీసుకోవాలని సిబ్బందిని ఆదేశించారు. ప్రస్తుతం వర్షాకాలం/సీజనల్ వ్యాధులు ప్రబలే అవకాశం ఉన్నందున, గ్రామాల్లో ప్రజలకు సీజనల్ వ్యాధుల పట్ల పూర్తి అవగాహన కల్పించాలని సూచించారు.
డెంగ్యూ, మలేరియా, టైఫాయిడ్ వంటి వ్యాధులు వ్యాపించకుండా పరిసరాలను శుభ్రంగా ఉంచుకోవాలని, కాచి చల్లార్చిన నీటినే తాగాలని ప్రజలకు విడమరిచి చెప్పాలని వైద్యాధికారి సిబ్బందికి మార్గదర్శనం చేశారు. ప్రతి ఒక్కరికీ నాణ్యమైన వైద్య సేవలు అందించడమే ధ్యేయంగా సిబ్బంది విధులు నిర్వహించాలని కోరారు.
ఈ కార్యక్రమంలో పల్లె దవాఖానల, సబ్సెంటర్ల వైద్య సిబ్బంది, ఏఎన్ఎంలు, ఆశా కార్యకర్తలు మరియు ఇతర సిబ్బంది పాల్గొన్నారు
About the Author
Please tell us what is wrong. Your report will be sent to the website team.
