Bharat Chander Reddy | అమెరికాలో ఘోర ప్రమాదం

* అమెరికాలో తెలుగు విద్యార్థి మృతి

ఆకేరు న్యూస్, డెస్క్: ఉన్నత విద్య కోసం అమెరికా వెళ్లిన ఒక తెలుగు యువకుడు అగ్నిప్రమాదంలో తీవ్రంగా గాయపడి చికిత్స పొందుతూ మృతి చెందాడు. ఈ విషాదకర సంఘటనతో అతని స్వగ్రామంలో మరియు కుటుంబంలో తీవ్ర శోకసంద్రం నెలకొంది.

* సంఘటన వివరాలు…

తెలంగాణ రాష్ట్రంలోని హనుమకొండ (డి) పరిధిలోని గంటూర్ పల్లికి చెందిన భరత్ చందర్ రెడ్డి (29) ఉన్నత చదువుల నిమిత్తం 2023లో యునైటెడ్ స్టేట్స్ (US)కు వెళ్లారు. అక్కడ టాంపా (Tampa) నగరంలో నివాసముంటున్న భరత్, జులై 25న ప్రమాదవశాత్తు సంభవించిన ఓ అగ్నిప్రమాదంలో తీవ్రంగా గాయపడ్డారు.

గాయపడిన భరత్‌ను స్థానిక ఆసుపత్రికి తరలించి అత్యవసర చికిత్స అందించారు. గత కొన్ని రోజులుగా మృత్యువుతో పోరాడుతూ వచ్చిన ఆయన, సోమవారం పరిస్థితి విషమించడంతో ఆసుపత్రిలో తుదిశ్వాస విడిచారు.

* కుటుంబంలో తీవ్ర విషాదం..

చదువు పూర్తయిన తర్వాత త్వరలోనే భారతదేశానికి తిరిగి వచ్చి ఇక్కడే స్థిరపడాలని భరత్ చందర్ రెడ్డి అనుకున్నారు. అంతలోనే ఈ ఊహించని ఘోరం జరగడంతో తల్లిదండ్రులు, కుటుంబ సభ్యులు బోరున విలపిస్తున్నారు. స్వగ్రామం గంటూర్ పల్లిలో విషాద ఛాయలు అలముకున్నాయి. భరత్ భౌతికకాయాన్ని స్వదేశానికి రప్పించేందుకు ప్రభుత్వం మరియు ఎన్ఆర్ఐ సంఘాలు సహాయం అందించాలని కుటుంబ సభ్యులు కోరుతున్నారు.

About the Author

aakerutelugunews

Administrator

Visit Website View All Posts

ఈ వార్తకు సంబంధించిన బృందం

సీనియ‌ర్ క‌ర‌స్పాండెంట్

జిల్లపెళ్లి దీపిక, MA ( Journalism )

గ‌త ఐదు సంవ‌త్స‌రాలుగా జ‌ర్న‌లిజం వృత్తిలో కొన‌సాగుతున్నారు..